കിനാത്തേര് മനോഹരമായ മലയാള കവിത / Kinatheru Malayalam poem online by Dr.Sukesh

Kinatheru online Malayalam poem read online by Dr.Sukesh R.S.

ഡോ. സുകേഷ് R.S. ന്റെ മനോഹരമായ ഒരു മലയാള  കവിത. കിനാത്തേര്  ഓൺലൈനായി വായിക്കൂ .. 

..............................................

ഊഴിയിലൊന്നു മറ്റൊന്നിനെത്തേടുന്ന 
കാഴ്ചകളാകെ നിറയവെ!
തിരയുന്നിരുട്ടിലും ചുറ്റിലും പ്രാണ -
സാരം പ്രതിഫലിപ്പിക്കാൻ !
ആരാഞ്ഞവശരായി, നീണ്ടുകിടക്കും 
പാരിൽ ഒരു തണൽ തേടി. 

ഒരുപറ്റമാശകൾ നിറയുന്നിടങ്ങൾ 
കരവലയത്തിലങ്ങാക്കി, 
പ്രഥമസഞ്ചാര സരണികളിലാകെ 
പ്രാർത്ഥനാസാഫല്യ മണികൾ :
ഊർജ്ജമുണർന്നോരുന്മാദ സന്ധിയിൽ 
വർജ്‌ജിപ്പൂ മറ്റെന്തുമേതും !
സ്വപ്‌നങ്ങൾ ചാലിച്ചു സ്വർഗ്ഗങ്ങളാക്കി 
വ്യാപരിച്ചാനന്ദമേൽക്കേ:

ചുറ്റും നിറയുന്ന കണ്ണുകൾ കാതുകൾ 
കുറ്റം ചുമത്തുവാനോങ്ങി :
ഉയിർവിട്ടുണർത്തു പാടുന്ന വേളയിൽ, 
പീയൂഷ ഹർഷം ഹനിക്കെ, 
തിരിച്ചു പിടുങ്ങുമാ നീരാളികൈകളിൽ 
തിരസ്കാര വ്രണിത വടുക്കൾ !
അനസ്യൂതം തെളിക്കും തേരിന്നുകീഴെ 
കിനാക്കൾ മെതിഞ്ഞമരുന്നു !
എല്ലാമിവിടെ ത്യജിച്ചുനേടീടണം 
അല്ലലിൽ അലിയുമാനന്ദം !
നേട്ടങ്ങൾ ആസ്വദിച്ചറിയുകയെങ്കിലോ, 
കോട്ടങ്ങൾ നീറ്റലായ് മാറും !!!
         

..............................................

  Dr. സുകേഷ് R. S

About the Author

 Dr. സുകേഷ് R. S

 Sreevilas, URR1, 

Uppalam Road, Statue, Trivandrum -1.

Dr. സുകേഷ്  തിരുവനന്തപുരം  PRS ഹോസ്പിറ്റലിലെ  Consultant Physician and Diabetologist ആണ്. കലാകൗമുദി, സാഹിത്യകേരളം മുതലായവയിൽ ഡോക്ടറുടെ കവിതകൾ  പ്രസിദ്ധീകരിച്ചിട്ടുണ്ട് .

Dr. Sukesh R S

Mob: 9746490201

..................................

നിങ്ങളുടെ  അഭിപ്രായങ്ങൾ എഴുതുക അത് എഴുത്തുകാർക്ക് പ്രചോദനമാകും.  ഈ പോസ്റ്റിനു താഴെയും ഫേസ്‌ബുക്ക് പേജിലും നിങ്ങൾക്ക് ഈ കൃതിയെപ്പറ്റിയുള്ള നിങ്ങളുടെ അഭിപ്രായമെഴുതാം..

MALAYALAM POEM / MALAYALAM LATEST POEM / MALAYALAM FREE POEMS / ONLINE WRITERS MALAYALAM / KERALA LANGUAGE POEMS ONLINE FREE / BEST MALAYALAM POEM ONLINE / READ MALAYALAM POEM ONLINE.