മധുരം ഇഷ്ടപ്പെടുന്നവരുടെ ഇഷ്ട വിഭവമായ ലഡു ഉണ്ടാക്കുന്നതെങ്ങനെയെന്ന് നമുക്ക് ഒന്നു നോക്കാം. ബേക്കറികളിൽ നിന്ന് വാങ്ങാതെ സ്വന്തമായി വീട്ടിൽ ഉണ്ടാക്കുമ്പോൾ അതിന്റെ സ്വാദ് ഒന്ന് വേറെയില്ലേ...
ചേരുവകകൾ
കടലമാവ് - 2 കപ്പ്
പഞ്ചസാര - 1 കപ്പ്
ഏലയ്ക്കാപ്പൊടി - 1 ടീസ്പൂൺ
നെയ്യ് - ആവശ്യത്തിന്
മഞ്ഞ കളർ - ആവശ്യത്തിന്
തയ്യാറാക്കുന്ന വിധം
വെള്ളമൊഴിച്ച് കടലമാവ് കലക്കുക അതായത് നമ്മൾ ദോശമാവ് കലക്കുന്ന പരുവത്തിൽ. നെയ്യ് ചീനച്ചട്ടിയിൽ വെച്ച് ചൂടാക്കി അതിലേയ്ക്ക് കലക്കിയ മാവ് ദ്വാരമുള്ള ഫ്രയിങ്ങ് സ്പൂണിലൂടെ ഒഴിയ്ക്കുക. മൂക്കുമ്പോൾ കോരിയെടുക്കുക. പഞ്ചസാര നൂൽപ്പരുവത്തിൽ പാനിയാക്കി കാച്ചിയെടുക്കുക . വറുത്തെടുത്ത കടലമാവ് പച്ചസാര പാനിയിലേയ്ക്ക് ഇടുക. ഏലയ്ക്കാപ്പൊടിയും, മഞ്ഞ കളറും, അൽപ്പം നെയ്യും ചേർത്ത് ലഡു ഉരുട്ടിയെടുക്കുക. വേണമെങ്കിൽ ഉണക്കമുന്തിരിയൊക്കെ വെച്ച് ഭംഗിയാക്കാം.
നന്ദനാ ശ്രീകുമാർ
...........................................................................
About Author
Nandanaa Sreekumar
Kairali Nivas
Kadappakada p.o
Kerala - 691008
Email: nandanaasree@gmail.com
Email: nandanaasree@gmail.com
